İftara bunları hazırlaya bilərsiniz

Azərbaycanda Ramazan bir neçə gündür ki, davam edir. Ən az 16 saat oruclu olduğunuz üçün düzgün qidalanma mütləqdir:

Mujde.Az axşam.az-a istinadən iftar üçün hazırlaya biləcəyiniz bir neçə təamı təqdim edir.

Ət qovurması
Tərkibi:

Dana əti – 3 kq

Quyruq yağı – 250 qr

Duru yağ – 1 stəkan

Duz

Bəzədilməsi üçün:

Xiyar turşusu

Acı bibər turşusu

Kəklikotu

Hazırlanması:

Dana əti quş başından bir az daha böyük formada doğranır. Ət yağla birlikdə tavada yumşalana kimi bişirilir. Quyruq yağı ayrı bir tavada əridilir. Qovurmanın bişməsinə bir neçə dəqiqə qalmış duz və ərimiş quyruq yağı əlavə olunur. Bişdikdən üzərinə kəklikotu gəzdirilir. Xiyar və acı bibər turşusu ilə bəzədilir.

Şorba

Tərkibi:

1 fincan düyü

2 ədəd limon suyu

1 stəkan un

2 çömçə qatıq

4 ədəd kartof

1 yemək qaşığı nanə

3 çay qaşığı duz

1 ədəd yumurta

2 yemək qaşığı marqarin

8 su stəkanı sümük suyu və ya su

Hazırlanması:

Sümük suyunu və ya suyu qaynadın. Yuyulmuş düyünü əlavə edib, bişirin. Un, limon suyu, qatıq və yumurtanın sarısını az miqdarda su əlavə edərək çırpın. Qaynamaqda olan suya yavaş-yavaş əlavə edərək, davamlı qarışdırın. Özünə gələnə kimi bişirin. Əridilmiş 2 yemək qaşığı marqarini nanə ilə qızardıb, şorbanın üzərinə səpin. Kiçik kublar halında doğranmış kartofları duru yağda qızardıb, süzün və şorbaya əlavə edin. Duz əlavə edib, ocaqdan alın.

Şokolad Toplar

Tərkibi:

Peçenye  – 350 qram

Kərə yağı – 125 qram

Südlü şokolad – 90 qram

Qovrulmuş badam -1/2 su fincanı

Toz şəkər – 4 yemək qaşığı

Süd – 1/2 su fincanı

Kakao – 3 şəkər qaşığı

Təqdimati üçün:

Kokos – 1 fincan

Hazırlanması:

Peçenyeləri əlinizlə qırın. Kərə yağını əridin. Şokoladı və şəkəri əlavə edib, qarışdırın. Şəkərin tam əridiyindən əmin olun. Damaq dadına görə şəkəri az və ya çox da edə bilərsiz. Bu qarışıma peçenyeləri əlavə edərək, qarışdırın. Daha sonra xəmir halında olan bu qarışımdan kiçik toplar düzəldin. Kokosa batırıb, qablara düzün.

Mujde.az

Bir cavab yazın

Sizin e-poçt ünvanınız dərc edilməyəcəkdir.