Gəncə-Sankt-Peterburq və Sankt-Peterburq-Gəncə reysləri yubanır.
Mujde.az-ın məlumatına görə, bu barədə AZAL-ın “Facebook” səhifəsində yayılan məlumatda deyilir.
“AZAL-ın J2-122 və J2-020 reysləri ilə səyahət edən sərnişinlər üçün məlumat.
Hava gəmisinin texniki nasazlığı ilə əlaqədar olaraq AZAL-ın J2-122 Gəncə (VKO) – Sankt-Peterburq (LED), həmçinin həmin təyyarə ilə yerinə yetirilməsi planlaşdırılan J2-020 Sankt-Peterburq – Bakı reysi yubanır.
Reysin 5 saatdan çox yubanması ilə əlaqədar olaraq, aviaşirkətin qaydalarına əsasən yubanan reysin sərnişinləri lazımi hər şeylə, o cümlədən isti yeməklə təmin olunacaq.
Yaranan narahatlığa görə üzr istəyirik”, – məlumatda deyilir.